Де Росси "Женоа"ни бошқариши мумкин!

"Рома" афсонаси Даниеле Де Росси "Женоа" бош мураббийига айланиши мумкин. У Патрик Виейранинг ўрнини эгаллаши мумкин бўлган номзодлар қаторида.

Жамоани "Сассуоло"га қарши бўлажак ўйинда вақтинчалик мураббийлар Роберто Мургита ва Доменико Кришито бошқаради. "Женоа" 9 та ўйинда 3 очко билан А Серия турнир жадвалининг энг қуйи поғонасида жойлашган. Кришито ва Мургита узоқ муддатга қолиши ҳам мумкин.

"La Gazzetta dello Sport" нашрининг хабар беришича, ушбу лавозим учун Раффаэле Палладино, Паоло Ваноли ва Лука Готти ҳам даъвогарлик қилмоқда.

Эслатиб ўтамиз, Де Росси 2024-25 йилги мавсумда "Рома"ни тарк этганидан бери ишсиз юрибди.