De Bryuyne: Ular nega bu qarorni qabul qilganini bilmayman

Kevin De Bryuynening fikricha, "Siti" ning bu mavsumdagi o‘yini uning shartnomasiga ta’sir qilgan.

Avvalroq, yarim himoyachi "Manchester Siti" unga yangi shartnoma taklif qilmaganidan hayratda qolganini tan olgandi. 33 yoshli belgiyalik futbolchi mavsum yakunida klubni erkin agent sifatida tark etadi.

"Rahbariyat asosan shu yo‘lni tanladi, chunki butun jamoada muammolar bor edi. Ehtimol, jarohatim bo‘lmaganda ular boshqacha qaror qabul qilishardi. Bilmayman, nega ular bu qarorni qabul qilgan.

Men hali ham yaxshi formada ekanligimga ishonaman. Bundan tashqari, o‘tgan yilga qaraganda ko‘proq o‘yin o‘tkazdim. O‘zimni juda yaxshi his qilyapman va avvalgi darajamga qaytishimga ishonaman, - dedi "shaharliklar" yarim himoyachisi De Bryuyne.