Де Брюйне: Улар нега бу қарорни қабул қилганини билмайман

Кевин Де Брюйненинг фикрича, "Сити" нинг бу мавсумдаги ўйини унинг шартномасига таъсир қилган.

Аввалроқ, ярим ҳимоячи "Манчестер Сити" унга янги шартнома таклиф қилмаганидан ҳайратда қолганини тан олганди. 33 ёшли белгиялик футболчи мавсум якунида клубни эркин агент сифатида тарк этади.

"Раҳбарият асосан шу йўлни танлади, чунки бутун жамоада муаммолар бор эди. Эҳтимол, жароҳатим бўлмаганда улар бошқача қарор қабул қилишарди. Билмайман, нега улар бу қарорни қабул қилган.

Мен ҳали ҳам яхши формада эканлигимга ишонаман. Бундан ташқари, ўтган йилга қараганда кўпроқ ўйин ўтказдим. Ўзимни жуда яхши ҳис қиляпман ва аввалги даражамга қайтишимга ишонаман, - деди "шаҳарликлар" ярим ҳимоячиси Де Брюйне.