Де Брюйне мундиалда иштирок эта олмаслиги мумкин

Кевин де Брюйне ўтган дам олиш кунлари "Интер" дарвозасига пенальтидан гол ураётганида жиддий жароҳат олди. Бельгиялик футболчи операцияни муваффақиятли ўтказди, бу ҳақда бир кун аввал "Наполи" хабар берди.

The Sun нашрининг ёзишича, де Брюйне атрофидаги яқинлари унинг жароҳатидан тикланиши чўзилиб кетиши ва футболчи Бельгия терма жамоаси сафида 2026 йилги жаҳон чемпионатида ўйнай олмаслигидан хавотирда.

Аввалроқ, де Брюйненинг тикланиши тахминан 4 ой давом этиши, яъни хавбек баҳорга яқин сафга қайтиши ҳақида хабарлар тарқалган эди.

Маълумот ўрнида, "Наполи" Италия чемпионати турнир жадвалида пешқадамлик қилмоқда.