De Bryuyne: "G‘alaba qozonishimiz uchun juda yaxshi o‘ynashimiz kerak"

Kevin de Bryuyne Frantsiya terma jamoasiga qarshi bo‘lib o‘tadigan o‘yin haqida gapirdi.

- Frantsiyada tajribali futbolchilar ko‘p. Ular, albatta, ikkita asosiy tarkib jamlashlari mumkin. Frantsiyani mag‘lub etish uchun biz juda yaxshi o‘ynashimiz yoki frantsuzlar odatdagidan biroz yomonroq o‘ynashi kerak. Har bir imkoniyatdan unumli foydalanishimiz zarur. Kilian Mbappe tezligi tufayli bir soniyada o‘yinni o‘zgartira oladi. U ko‘p gol uradi, doim xavfli. Kilianning ham, boshqa futbolchilarning ham saviyasi yuqori, - dedi Belgiya va "Manchester Siti" yarim himoyachisi.