Dani Alves "Barselona"ga qaytishi mumkin

RAC1 nashri tarqatgan xabarga ko‘ra, 36 yoshli futbolchi bu borada katalon klubi rahbariyati bilan aloqaga chiqqan. Ilgariroq futbolchi hamon "Barselona"ni yaxshi ko‘rishi va bu klubni o‘z uyidek ko‘rishini aytib o‘tgan edi.

Ma’lumot uchun, Dani Alves 2017 yil yozda "Yuventus"ni erkin agent sifatida tark etib, PSJ safiga ko‘chib o‘tgan edi. U yakuniga etgan mavsumda parijliklar safida 32 bellashuvda ishtirok etdi va 3 ta gol kiritib, 8 ta golli uzatmani amalga oshirdi.