Dana Uayt: "Pul - hammani o‘zgartiradi!"

UFC prezidenti Dana Uayt katta pul jangchi karerasiga qanchalik ta’sir qilishi haqida o‘z fikrlarini bildirdi. 

"Pul hamma narsani buzib tashlaydi. Rekord darajada pul qo‘lga kiritgach, mashhur jangchilar ham avvalgi motivatsiyasini yo‘qotganini ko‘rdik. Bunga Konor Makgregor yaqqol misol bo‘la oladi. Biroq Xabib Nurmagomedov bir tonna pul ishlab topib, undaylar qatoriga kirmagani meni xursand qiladi", - dedi Uayt.

Xorij manbalarining xabariga ko‘ra, Konor Makgregorning ayni damdagi boyligi 200 million dollarni tashkil qilmoqda.