Coca Cola Суперлига. "Қўқон-1912" қўшимча вақтларда гол уриб, ғалаба қозонди

Coca Cola Суперлигаси 13-туридан ўрин олган "Навбаҳор" - "Қўқон-1912" жамоалари ўртасидаги баҳс якунланди. Унда қўқонликлар 1:0 ҳисобида ғалаба қозонди.

Ягона гол бош ҳакам томонидан қўшиб берилган дақиқаларда Мурод Холмуҳаммедов томонидан киритилди. 11 метрлик нуқта олдига яқинлашган футболчи дарвозабонга имконият қолдирмади.

Ушбу ғалабадан кейин "Қўқон-1912" жамоаси турнир жадвалида 3-ўринга кўтарилиб олди.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+3'
  

  ГООООООООООЛЛЛЛЛЛЛ!

  Тўп олдига яқинлашган Мурод Холмуҳаммедов дарвозани ишғол қилди.

• 90+2'
  

  Абдуҳамидовга нисбатан ишлатилган қўполликдан кейин "Навбаҳор" дарвозасига пенальти белгиланди.

• 90'
  

  Ўйиннинг асосий вақтига 3 дақиқа қўшиб берилди.

• 87'
  

  Майдонда ҳаракат қилган Якуба Бамба ва Шоҳназар Норбеков ўрнига Иқбол Маликжонов ҳамда Ҳамидулло Абдуҳамидов туширилди.

• 85'

  Қанотдан узатилган тўпни Юсупов ушлаб олди. У бугун яхши ҳаракат қилмоқда.

• 83'

  Учрашув якунланаётган бир пайтда жамоалар эҳтиёткорликни оширмоқда.

• 80'

  Холмуҳаммедовнинг жарима тўпидан берган зарбаси юқоридан ўтиб кетди.

• 77'

  Қўқонликларнинг навбатдаги зарбаси ҳам ноаниқ кетди.

• 75'
  

  Мурод Ҳолмуҳаммедов ҳамда Сардор Азимов Муҳаммаданас Ҳасанов ва Авазхон Маматхўжаев ўрнига ўйинга қўшилди.

• 74'
  

  Ҳозиргина жароҳат олган Тоҳир Шамситдинов ўйинни давом эттира олмайди. Унинг ўрнига Даврон Ҳошимов майдонга тушди.

• 71'
  

  Тоҳир Шамситдиновга тиббий ёрдам кўрсатилмоқда.

• 70'
  

  Бурчакдан оширилган тўпни боши билан дарвозага йўллаган наманганликларнинг уринишини рақиб посбони хотиржам ушлаб олди.

• 67'
  

  Тоҳир Шамситдиновга тиббий ёрдам кўрсатилмоқда.

• 67'
  

  Сухроб Бердиев огоҳлантирилди.

• 65'
  

  Игорь Соловьёв Павел Голишевни алмаштирди.

• 64'
  

  Муҳаммаданас Ҳасановнинг жарима майдончаси чизиғи олдидан берган зарбасини яна бир бор Ўткир Юсупов бартараф этди.

• 61'

  "Навбаҳор" орқа чизиқда тўп назоратини қўлга олмоқда.

• 58'
  

  Бердиевнинг узоқ букчакка йўллаган зарбасини Ўткир Юсупов қайтарди.

• 57'
  

  Руслан Болов ўз ўрнини Забихулло Ўринбоевга бўшатиб берди.

• 55'
  

  Якуба Бамба жароҳат олиб майдонда ётибди. Шифокорлар майдонга тушиб келишди.

• 53'

  Ўйин кескинлашмоқда. Ачинарлиси, ҳужумлар билан эмас, қўполликлар туфайли.

• 50'

  Биринчи бўлимдаги каби қўқонликлар прессинг уюштирмоқда.

• 47'

  Тайм бошини наманганликлар фаол бошлади.

• 46'
  

  Иккинчи тайм бошланди!

• 45+1'
  

  Танаффус!

• 45'
  

  Биринчи бўлимга 1 дақиқа вақт қўшилди.

• 43'
  

  Рақибини чалиб йиқитган Голбан сариқ карточка билан жазоланди.

• 42'

  Қанотдан ёриб кирган Маҳмудхожиевнинг тезлиги ўз зарарига ишлади. Вазият бой берилди.

• 40'
  

  Руслан Болов сариқ карточка олди.

• 39'
  

  Дарвозабон билан бирга-бир вазиятга чиқиб борган Норбеков рақиб посбонини алдаб ўта олмади. Юсупов бу сафар ҳам ишончли ҳаракат қилди.

• 37'
  

  Иккинчи темп билан ҳужумни давом эттирган "Қўқон-1912" футболчисининг кучли зарбасини яна бир бор Юсупов зарарсизлантирди.

• 36'
  

  Қўқонликларда стандарт вазият. Муҳаммаданас Ҳасановнинг узатмасини Юсупов уриб юборди.

• 34'

  "Навбаҳор" тўп назоратини қўлга олмоқчи. "Қўқое-1912" прессингда.

• 31'

  Баҳс тенг курашлар остида кечмоқда. Ҳеч қайси жамоа яққол устунликка эга эмас.

• 28'
  

  Бердиев иккинчи қаватдаги курашда Шамсиев билан тўқнашиб кетди. Унга тиббий ёрдам керак.

• 26'

  Тўпни олиб қўйиши билан дарҳол олдинга ўтган қўқонликлар голли вазиятни қўлдан чиқарди. Бердиев бўш қолган дарвозага тўпни кирита олмади.

• 26'

  Наманганликларнинг навбатдаги ҳужумини ҳимоячилар бартараф этди.

• 22'

  ЖАмоалар майда қўполликлар билан бир-бирларининг ҳужумларини тўхтатмоқда. Ўйин темпи бироз пасайди.

• 19'

  Бу сафар Маҳмудхожиев воқеалар ривожидан бироз илгарилаб кетди.

• 17'
  

  Шоҳруҳ Маҳмудхожиевга ортдан қўполлик ишлатгани учун Аваз Маматхўжаев огоҳлантирилди.

• 15'

  Икки жамоа футболчилари ҳам навбатма-навбат олдинга ўтмоқда.

• 12'

  Қанотдан узатилган тўпга боши билан зарба берган Турғунбоевнинг уриниши бироз ноаниқ кетди.

• 10'

  Бош ҳакам Аҳмедов ҳамда Бамбани ўз ёнига чақириб, оғзаки огоҳлантириш берди.

• 8'

  Азим Аҳмедов асабларини жиловлаб олиши зарур. У ҳакамга жиддий эътироз билдирмоқда.

• 6'

  "Навбаҳор" вакиллари устунликни қўлга олишга интилмоқда.

• 4'

  Азим Аҳмедовнинг қулай узатмасидан кейин бош ҳудудга эга бўлган Болов ҳужумни самарали давом эттира олмади.

• 1'
  

  Илк дақиқадаёқ ҳужумга ўтган наманганликлар ўйиндан ташқари ҳолатда қолиб кетишди.

• 1'
  

  Учрашув бошланди!

• 0'

  Ўйин бошланиш арафасида. Жамоалар майдонга тушиб келмоқда.

• 0'

  Ассалому алайкум, ўзбек футболи ихлосмандлари. Танловингиз марказида эканлигимиздан хурсандмиз!