Coca Cola Суперлига. "Металлург" сўнгги дақиқаларда икки гол уриб, камбэк амалга оширди

Coca Cola Суперлигаси 12-туридан ўрин олган "Сурхон" - "Металлург" учрашуви якунланди. Ўйин бекободликларнинг 2:1 ҳисобидаги ғалабаси билан якунланди.

Дастлаб, 40-дақиқада "Сурхон" футболчиси Александр Касьян ҳисобни очган бўлса, Ихтиёр Тошпўлатов асосий вақтнинг сўнгги дақиқасида тарози паллаларини тенглаштирди. Ҳакам томонидан қўшиб берилган дақиқаларда айнан унинг ўзи ғалаба голини киритиб, жамоасига 3 очко келтирди.

• 90+7'
  

  Қизиқарли учрашув якунланди. Матнли трансляция Жавоҳир Азимов томонидан олиб борилди.

• 90+5'
  

  Захира ўриндиғидан бош ҳакамга эътироз билдирган Даврон Анваров қизил карточка олди.

• 90+4'
  

  ГООООООООООЛЛЛЛЛЛЛ!

  Тошпўлатовдан дубль! Ихтиёр жамоасининг иккинчи голини киритди.

• 90+3'

  Гол урган бекободликларнинг шашти баланд.

• 90'
  

  Ўйиннинг асосий вақтига 5 дақиқа қўшиб берилди.

• 90'
  

  ГООООООООООЛЛЛЛЛЛЛ!

  Ихтиёр Тошпўлатов қанотдан узатиоган тўпни дарвозага йўллаб, ҳисобни тенглаштирди.

• 89'
  

  Ғофуровнинг жарима тўпидан берган зарбасини Лобанов ушлаб олди.

• 88'
  

  Шавкат Саломов ўрнига Дарко Станоевич ўйинга қўшилди.

• 86'

  Шаҳзод Убайдуллаев рақибига нисбатан қўпол ўйнади. Ҳакам уни аяди.

• 84'
  

  Шерзод Каримов ҳозиргина жароҳат олган Ҳусниддин Ғофуров ўрнига майдонга қўшилди.

• 82'
  

  "Сурхон" футболчисига ёрдам кўрсаилмоқда.

• 81'

  Бекободликлар катта устунлик билан олдинга ўтмоқда.

• 79'

  Андреевнинг узатмасидан кейин жарима майдончаси ичида саросима юзага келди. Воҳаликлар қийинчилик билан тўпни узоқлаштиришди.

• 77'

  Саломов рақибини алдай олмади. Акс ҳолда, у дарвозабон билан бирга-бир вазитга чиқиб бориши мумкин эди.

• 74'
  

  Бекободликлар сафида Эргашев ҳамда Бобожонов ўйинга қўшилди. Улар Анваров ва Тошқўзиев ўрнида ҳаракат қилади.

• 74'

  Ён чизиқдан узатилган тўпга Касьян ета олмади.

• 71'
  

  Ҳусниддин Ғофуров Нуриддин Ҳасанов ўрнига майдонга қўшилди.

• 70'

  Акбар Тўраевга нисбатан қўполлик ишлатилди.

• 68'

  Убайдуллаевнинг зарбаси жуда ноаниқ кетди.

• 65'
  

  Ўйин бироз қўпол руҳда давом этмоқда. Футболчилар асабларини тинчлантириб олишлари зарур.

• 62'
  

  Аъзам Алиев ҳамда Саломат Қуттибоев ўзаро тўқнашиб кетишди.

• 58'
  

  Намозовнинг зарбаси дарвоза устунига тегди. Аммо у бироз аввал офсайдда қолган экан.

• 56'
  

  "Металлург" сафида икки футболчи майдонга туширилди. Абдуллаев ва Нарзуллаев ўрнига Қуттибоев ҳамда Абдулҳақов ўйинга қўшилди.

• 54'

  Александр Лобанов ҳамда Нуриддин Ҳасанов ўзаро келиша олмай қолишди. Ҳакам иккала футболчини ҳам оғзаки огоҳлантирди.

• 53'

  Иккинчи бўлимда "Сурхон" футболчилари фаолроқ ҳаракат қилмоқда.

• 50'
  

  Катта тезликда қарши ҳужумга югураётган рақибини чалгани учун Даврон Анваров сариқ карточка олди.

• 48'

  Равшан Хайдаров шогирдлари позицион ҳужумга ўтмоқда.

• 46'

  Аъзам Алиев бўлим бошидаёқ узоқ масофадан дарвозага зарба йўллади. Бироз ноаниқ.

• 46'
  

  Иккинчи тайм бошланди!

• 46'

  Футболчилар майдонга қайтишди. Биз ҳам қайтамиз.

• 46+2'
  

  Танаффус!

• 45+1'
  

  Сулаймоновнинг зарбасини Лобанов ушлаб олди.

• 45'
  

  Биринчи бўлимга 1 дақиқа қўшиб берилди.

• 44'
  

  Даврон Анваров жароҳаи олганга ўхшайди. Унга тиббий ёрдам кўрсатилмоқда.

• 43'
  

  Рақибига ортдан зарба бергани учун Нуридди Ҳасанов жазоланди.

• 42'

  Голдан руҳланган воҳаликлар шиддатли ҳужумларни давом эттирмоқда.

• 40'
  

  ГООООООООООЛЛЛЛЛЛЛ!

  Сардор Сулаймоновнинг қулай узатмасидан сўнг Касьян ҳисобни очди.

• 38'

  Саломовнинг узатмасини дарвозага йўллаган Касьяннинг уринишини ҳимоячилар бартараф этди.

• 35'

  Шаҳзод Убайдуллаев рақибига нисбатан хавфли ўйнади. Ҳакам бу сафар уни оғзаки огоҳлантирди.

• 33'
  

  Хайдаров шогирдларининг хавфли қарши ҳужуми бурчак зарбаси билан якунланди.

• 31'
  

  Бекободликлар бурчак зарбасини амалга оширади.

• 29'
  

  Тошқўзиев офсайдда қолиб кетди.

• 27'

  Сардор Сулаймонов рақиб посбони билан бирга-бир вазиятга чиқиб борди. Аммо ортдан етиб келган ҳимоячилар унга зарба бериш имкониятини қолдирмади.

• 24'

  Воҳаликларнинг ҳавфли қарши ҳужуми ноаниқ пас орқали узилиб қолди.

• 23'

  Бекободликлар олдинги чизиқда ўзаро паслар узатмоқда.

• 20'
  

  Нарзуллаевга тиббий ёрдам кўрсатилмоқда. Шифокорлар аллақачон майдонда.

• 18'

  Абдуллаевнинг зарбаси анча юқоридан ўтиб кетди.

• 16'
  

  Дарвозабонга нисбатан қўпол ҳаракат қилганлиги учун Зоҳид Абдуллаев огоҳлантирилди.

• 16'
  

  Дониёр Нарзуллаевнинг хавфли зарбасини рақиб посбони қайтарди.

• 14'

  Ҳозирча Шипилов шогирдлари фаолроқ кўринмоқда.

• 11'
  

  "Металлург" футболчисининг узоқ масофадан берган зарбасини воҳаликлар посбони ушлаб олди.

• 10'

  "Сурхон" ҳимоячилари ўзаро тушунарсиз паслар бермоқда. "Металлург" прессингда яхши ишламоқда.

• 8'

  Шипилов шогирдлари дарвозага яқин нуқтадан стандарт вазият ижро этишди. Бироқ тўп жонли девордан ўтмади.

• 5'

  Жарима майдончаси ичига етказилган тўпни Лобанов ушлай олмади. Тўп унинг қўлига урилиб, дарвоза устунига тегди. Дарвозабоннинг ўзи кейин уни узоқлаштирди.

• 4'

  "Металлург" футболчилари қулай имконият ҳосил қилганди. Аммо бироз аввалроқ ўйин қоидаси бузилган экан.

• 2'

  Илк дақиқалардаёқ бекободликлар олдинга ўтишди ва бурчак тўпи ишлаб олишди.

• 1'
  

  Учрашув бошланди!

• 0'

  Жамоалар майдонга тушиб келишди. Ўйин бир неча дақиқалар ичида старт олади.

• 0'

  Ассалому алайкум, миллионлар ўйинининг муҳтарам мухлислари!