"Chelsi" yangi xujumchi sotib olmoqda

"Chelsi" ayni damda jarohat olgan Armando Broya o‘rniga yangi hujumchi qidirmoqda.

"The Athletic" nashri berayotgan ma’lumotlarga ko‘ra, "aristokratlar" "Molde"ning 19 yoshli futbolchisi David Fofanani sotib olishga yaqin turibdi. Klub hujumchining o‘zi bilan muzokaralar o‘tkazmoqda.

Manbaning ta’kidlashicha, londonliklar ushbu transferga taxminan 10 million evro sarflashi kutilmoqda.

Eslatib o‘tamiz, Fofana o‘tgan mavsum "Molde" safida barcha musobaqalarda 29 ta o‘yinda maydonga tushib, 17 ta gol urgan.