Ўзбекистон кутилмаганда жаҳон чемпионати фаворитлари рўйхатига киритилди, фақат...

12 сентябрь, 16:38
Zohir Toshxo’jayev
1
Футбол

2026 йилги жаҳон чемпионатида илк бор 48 мамлакат терма жамоаси иштирок этади. Ҳозиргача учта мезбон – АҚШ, Канада ва Мексикадан ташқари 15 та миллий жамоа мундиал йўлланмасини нақд қилган.

Жаҳон чемпионатига чиқиб бўлган терма жамоалар орасида футболи энг кучли ҳисобланган Европа вакиллари йўқ. “Кўҳна қитъа”да саралаш турнири энди қизғин паллага кирди. Турнир ташкилотчилари яна 30 та йўлланма эгалари аниқ бўлишини кутяпти.

Шунга қарамай, Европа футболининг нуфузли манбаси – GOAL.COM сайти бўлажак жаҳон чемпионати фаворитлари рейтингини тузиб чиқди. Эътиборли жиҳати шундаки, бу рейтингга ҳали саралаш турнирларида курашни давом эттираётган терма жамоаларга ҳам ўрин берилди.

Мазкур манба экспертлари рейтингда биринчи поғонага амалдаги Европа чемпиони – Испания терма жамоасини лойиқ кўрган. Кейинги ўринда аввалги жаҳон чемпионатида ғолиб чиққан Аргентина терма жамоаси жойлашган.

Кучли учликни ўта кучли таркибга эга Англия миллий терма жамоаси эгаллаб турибди.

GOAL.COM экспертлари тузган рўйхатга Ўзбекистон миллий терма жамоаси ҳам киритилган. Яқинда “CAFA Nations cup 2025” халқаро турнирида ғолиб чиқиб, янги асрдаги илк совринини қўлга киритган бош жамоамиз фаворитлар рейтингида 25-поғонани банд этган.

Ҳозирча, 27 та терма жамоа номи кўрсатилган умумий рейтинг қуйидагича кўринишга эга.

1. Испания

2. Аргентина

3. Англия

4. Португалия

5. Франция

6. Германия

7. Нидерландия

8. Бразилия

9. Марокаш

10. Эквадор

11. Корея Республикаси

12. Япония

13. Уругвай

14. Хорватия

15. Бельгия

16. Колумбия

17. Италия

18. Мексика

19. Парагвай

20. Канада

21. Австралия

22. Эрон

23. АҚШ

24. Тунис

25. Ўзбекистон

26. Иордания

27. Янги Зеландия.

23-маротаба ташкил этилаётган навбатдаги жаҳон чемпионати 2026 йилнинг 11 июнидан бошланади ва 19 июлга қадар давом этади. Ҳозиргача йўлланмани қўлган киритганлар орасида Ўзбекистон ва Иордани илк бор мундиалда иштирок этиш бахтига муяссар бўлади.

Ҳусанов борми? Гвардиола кимлар ўйнамаслигини айтди