"Челси" Хаверц борасида "Реал" билан музокаралар ўтказишга тайёр

"Челси" футболчиси Кай Хаверц ёзда Мадриднинг "Реал" клубига кўчиб ўтиши мумкин. "Қаймоқранглилар" Беллингем трансферини амалга ошириб бўлгач, германиялик ярим ҳимоячини ўз таркибига қўшиб олишга ҳаракат қилади. 

Фабрицио Романонинг сўзларига кўра, "аристократлар" Хаверцни қўйиб юборишга қарши эмас, лекин улар Кайни жуда қимматга сотмоқчи. Агарда "Реал" бунга рози бўлса, футболчи фаолиятини Испанияда давом эттириш эҳтимоли мавжуд. 

Хаверц "Қироллик клуби"нинг ягона трансфер мақсади эмас. Жамоа Роберто Фирмино ва Хоселу каби ҳужумчилар билан шартнома имзоламоқчи. Шунингдек, Браим Диас ҳам "Реал"га қайтиши кутилмоқда.