“Chelsi” MYu kutayotgan yulduzni olmoqchi

Yozgi transferlar vaqtida “Real”ni tark etadigan Rafael Varanga asosiy da’vogar sifatida “Manchester Yunayted” e’tirof etilayotgan edi. Frantsiyalik himoyachi Angliyaga ko‘chib o‘tish uchun PSJdan bo‘lgan taklifni rad etdi.

Endi Varanga “Chelsi” ham da’vogarlik qilmoqda. Ma’lumotlarga qaraganda, Tomas Tuxel “Bavariya”dan Niklas Zyuleni olish fikridan voz kechgan va e’tiborini “Real” himoyachisiga qaratgan.

“Qirollik klubi” yangi shartnomani qabul qilmagan Varanni yozda sotib yuborishga qaror qilgan. Madridliklar tajribali futbolchini 50-60 million evroga baholamoqda.

Evropa Chempionlar ligasining yarim finalida “Chelsi” va “Real” o‘zaro to‘qnash keladi. Varanning transferi aynan mana shu uchrashuvda muhokama qilinishi kutilmoqda.