"Челси" Германия терма жамоаси форвардига қизиқиб қолди

Германиянинг "Фрайбург" клуби ҳужумчиси Лук Вальдшмидт фаолиятини Англия премьер-лигасида давом эттириши мумкин.

The Sun нашри тарқатган хабарга кўра, “Челси” 23 ёшли Германия терма жамоаси форвардини яқинлашиб келаётган ёзги трансферлар даврида сотиб олмоқчи.

Вальдшмидт асли “Айнтрахт” клуби тарбияланувчиси ҳисобланади. У “Фрайбург” сафида 2018 йилдан буён тўп суриб келмоқда. У жорий мавсум 16 та ўйинда майдонга тушди ва 6 та гол ҳамда 2 голли узатмага муаллифлик қилди. У Германия терма жамоаси сафида 3 та ўйин ўтказган.