"Челси" футболчиси жамоасининг таклифини рад этди

"Челси" футболчиси Антонио Рюдигер раҳбарият унга юборган таклифини рад этди. Қайд этилишича, клуб унга ҳафтасига 140 минг фунт стерлинг маош тўламоқчи бўлган.

Шунингдек, Лондон клуби ушбу суммани норасмий тарзда 200 минг фунтгача кўтарган. Бироқ шунда ҳам германиялик ҳимоячи бунга розилик билдирмаган.

Эслатиб ўтамиз, ёзда эркин агентга айланадиган Рюдигерга айни пайтда ПСЖ, "Барселона", "Реал Мадрид" ва МЮ каби гранд клублар қизиқиш билдирмоқда.

Маълумот ўрнида, Антонио Рюдигер жорий мавсум АПЛдаги 23 учрашувда 2 гол ва 2 ассистга муаллифлик қилган.