"Челси" "Барса" ҳимоячисига қизиқиш билдирмоқда

"Челси" "Барселона" футболчиси Алехандро Бальдени ўз таркибига қўшиб олмоқчи. Бу ҳақда "Diario Sport" нашри хабар берди. "Аристократлар"нинг испаниялик ҳимоячини сотиб олиши унинг жамоасига молиявий ҳолатини яхшилаб олишида ёрдам бериши мумкин. 

Бальденинг "Барса" билан амалдаги шартномаси 2024 йилгача амал қилади. Футболчи мавсумни кўтаринки кайфиятда ўтказмоқда. У Альбанинг майдондаги дақиқаларини камайтириб юборди. 

"Челси"нинг чап қанот ҳимоясида ҳаракат қилаётган Чилвеллни "Манчестер Сити" кузатиб бормоқда. Агарда "шаҳарликлар" таркибини ёзда Канселу тарк этса, унинг ўрнини англиялик фулбек эгаллаши мумкин.