Chavez "Nasaf"dan ketadimi? G‘alaba kimga bag‘ishlandi? Eshmurodovning o‘ynay olmagani va penalti borasida - Ro‘ziqul Berdiev

Qarshidagi "Markaziy" arenada O‘zbekiston kubogi final bahsi o‘tkazildi. Unda "Nasaf" va OKMK o‘zaro bellashdi. Uchrashuvdan so‘ng mezbonlar ustozi Ro‘ziqul Berdiev o‘z fikrlari bilan o‘rtoqlashdi.

- Menimcha, muxlislarni xursand qila oldik. Asosiy maqsad shu edi. Sovrin bilan barchani tabriklayman. Bu oson bo‘lmadi. Chunki uchrashuvdan oldin ham finalda oson o‘yin bo‘lmasligini aytib o‘tgandim.

Marko 6 oy futbol o‘namadi. Shuning uchun ham avvalgi formasiga qaytishiga turli omillar ta’sir qilishi tabiiy. Lekin jamoa foydasi uchun harakat qilmoqda.

1-davrada raqiblar bizga qarshi himoyada o‘ynadi. Shuning uchun ikkinchi davrada taktikani o‘zgartirib, himoyadan ham o‘ynashga o‘tdik.

Bugun qanotdagi futbolchilarimizni OKMK yaxshi yopa oldi. Bu raqib bizni yaxshi o‘rganganini anglatadi. Faqat gol urganimizdan so‘ng barcha pozitsiyalarda harakatlarimiz ish bera boshladi.

Umar Eshmurodov oxirgi o‘yindan so‘ng shamollaganini aytdi. So‘ng biz unga dam berishga qaror qildik. U jamoa sardori va etakchisi. Uning yo‘qligi rejalarimizni o‘zgartirdi va jamoaga ruhan ta’sir qildi.

Penalti? O‘sha vaziyatni hakamlar uzoq o‘yladi va ularning qarashlari va qoidalari bor. Yaxshilab muhokama qilib qaror qabul qilishdimi, demak pe’nalti bor, nazarimda.

Bugungi tarixiy o‘yinni muxlislar uchun yutishimiz kerak edi. Chunki Qarshida ilk bor kubok finali o‘tkazildi. G‘alabani hammaga bag‘ishlaymiz.

Bitta o‘yinga tayyorgarlik boshqacha. Uzoq davom etadigan mavsumiy musobaqaga tayyorlanishda muammo bor. Buni futbolchilar bilan ham gaplashganmiz. Lekin buni to‘g‘rilashimiz ham kerak.

Chavez ketadimi? Agar boshqa legionerlar ham ishonchni oqlay olmasa, jamoani tark etadi. Chavez bilan mavsum oxirigacha shartnoma imzolaganmiz. Avval ham aytganimdek, undan ko‘p narsa kutgandim. Chunki u o‘ynagan oldingi klublarini ko‘rib shunday hulosaga kelgandik. Biroq... – dedi Ro‘ziqul Berdiev.