"Buxoro" uy uchrashuvlarini qaerda o‘tkazishi ma’lum bo‘ldi

"Buxoro" klubi Toshkentdagi Jar stadioni bilan kelishuvga erishdi va uch tomonlama tuzilgan shartnomani Liga ro‘yxatidan o‘tkazdi. Bu haqda O‘zPFL matbuoti xabar berdi.

Shuningdek, "Paxtakor" klubi ham o‘z arenasi tayyor bo‘lguniga qadar uy uchrashuvlarini Jar stadionida o‘tkazishi aytilgandi. 

Avvalroq Superliganing 4 ta klubi yangi mavsumni qaysi arenada o‘tkazishi noaniq ekanligi haqida xabar berilgan bo‘lib, ular orasida "Buxoro" ham bor edi. 

Buxoro shahridagi stadion Superliga talabi darajasiga qachon tayyor bo‘lsa, Liga uni qabul qilish uchun o‘z mutaxassislarini yuboradi. Stadion qabul qilinganidan keyingina mazkur arenada rasmiy uchrashuvlarni o‘tkazish uchun ruxsat etiladi.