Бууум! Левандовски "Бавария"дан кетишини эълон қилди

Польша терма жамоаси ва “Бавария” ҳужумчиси Роберт Левандовски Бундеслиганинг жорий мавсум сўнгги туридан ўрин олган “Вольфсбург”га (2:2) қарши ўйиндан сўнг Мюнхен клубини тарк этишга қарор қилганини айтди.

"Менга "Бавария"дан янги шартнома бўйича таклифи келмади ва мен кетишга қарор қилдим. Мен учун ҳам, клуб учун ҳам энг яхши ечимни топишимиз керак.

Бу "Бавария"даги сўнгги ўйиним бўлса керак", - деди полшалик.

"Бавария" спорт директори Ҳасан Салиҳамиджич ҳам вазиятга изоҳ берди: "У менга шартномани узайтириш ҳақидаги таклифимизни қабул қилишни истамаслигини ва клубни тарк этишни хоҳлашини айтди".

Бундан аввалроқ Левандовскининг хизматларига "Барселона" жиддий қизиқиш билдираётгани ҳақида хабарлар тарқалган эди.