Бугун Азиз Амонов жамоаси "Озодий"да чемпионатдаги юришини бошлайди

Бугун Эрон чемпионатида 1-тур учрашувлари старт олади. Унда ҳамюртимиз Азизбек Амонов тўп тепадиган "Истиқлол" жамоаси ўз ўйинини ўтказади.

Теҳрон клуби ўз майдонида "Сепаҳон" клубига қарши баҳс олиб боради. Учрашув Тошкент вақти билан 19:30 да старт олади.

Маълумот ўрнида, "Истиқлол" ўтган мавсум чемпионликни қўлга киритган. Жамоа турнир жадвалида 68 очко билан 1-ўринни эгаллаган.