Bu yulduz uchun har qanday xarajatga tayyormiz!

“Barselona” hujumkor futbolchisi Usmon Dembele kataloniyaliklar bilan yangi bitim imzolagani yo‘q.

Joan Laporta klubi moliyaviy inqirozdan chiqa olmayapti va o‘z o‘yinchilariga katta maosh berishga tayyor emas. Aksiga olib, klub mutasaddilari futbolchilardan maoshining teng yarmidan voz kechishni talab qilmoqda.

Bu sharoitda kataloniyaliklar frantsiyalik yulduzning talablarini qondira olmaydi. Bu vaziyatdan “Chelsi” unumli foydalanib qolmoqchi. “Aristokratlar” Usmon Dembelega u talab qilayotgan maoshni berishga tayyor.

Agar tomonlar shaxsiy shartnoma shartlari bo‘yicha kelisha olsa, 25 yoshli futbolchi faoliyatini Angliya premer-ligasida davom ettirishi mumkin bo‘ladi.