Бу нимаси? "Рома" юлдузи машғулотга келишдан бош тортди

"Рома" юлдузи Николо Заньоло фаолиятини "Ювентус"да давом эттирмоқчи.

"La Repubblica" нашри тарқатган хабарга кўра, футболчи бунинг учун жамоага бойкот эълон қилган. У римликларнинг бугунги машғулотига келмаган ва бу бошқалар учун кутилмаган ҳолат бўлган.

"Кекса сеньора" Николо ва "Рома" ўртасидаги вазиятни кузатмоқда. Туринликлар ҳали "бўрилар" раҳбариятига алоқага чиққани йўқ. Заньолонинг амалдаги шартномаси 2024 йилнинг ёзига қадар мўлжалланган.

23 ёшли ярим ҳимоячи 2018 йилда римликлар сафига "Интер"дан келиб қўшилган. Унинг трансфери 33 миллион еврога баҳоланмоқда.