Бруно Жаҳон чемпионатидан сўнг МЮдан кетиши мумкин

Бруно Фернандеш кейинги ёзда "Манчестер Юнайтед"ни тарк этиши мумкин.

"Daily Mail" нашрининг хабар беришича, ярим ҳимоячи Англия Премьер-Лигасида яна бир мавсум ўйнашни ва Жаҳон чемпионатига тайёргарлик кўришда ортиқча қийинчиликларга дуч келмасликни хоҳлаяпти.

2026 йилги мундиалдан сўнг у бошқа вариантларни, жумладан, Саудия Арабистони, АҚШ клублари ва Европанинг бошқа нуфузли лигалари таклифларини кўриб чиқишга тайёр бўлади.

Маълумот учун, португалиялик футболчи 2019-20 йилги мавсумдан бери "Манчестер Юнайтед" сафида тўп тепиб келмоқда.