Бонуччи ёзда "Реал"га ўтиши мумкин

Туриннинг "Ювентус" клуби ҳимоячиси Леонардо Бонуччи мавсумлар оралиғида "Реал"га ўтиши мумкин. Бу ҳақда Calciomercato нашри хабар тарқатмоқда.

Унинг “кекса синьора”дан кетишига сабаб сифатида жамоадоши Мойсе Кинга нисбатан ирқчилик кайфиятида гапирган гаплари сабаб бўлиши мумкин. Айтиш керакки, Бонуччининг ушбу сўзларидан сўнг кўплаб футболчилар уни қора танлиларга нисбатан ирқчилик қилишда айблашган эди.

Ўз навбатида “Реал” Бонуччини ёзда жамоадан кетадиган Рафаэль Варанга муносиб ўринбосар сифатида қарамоқда.