Бўлди! Роналду Европага қайтади

Криштиану Роналду ёзги трансферлар даврида Европага қайтишга қарор қилди. 40 ёшли ҳужумчи ўзини тарбиялаган “Спортинг” жамоаси билан ҳамкорлик қилишга тайёр.

Роналдунинг “Ан-Наср” билан амалдаги шартномаси келаси ой охирида тугайди. Томонлар битимни узайтириш учун музокара олиб бораётган эди. Лекин сўнгги паллада бу ҳаракатлар тўхтади.

BeIN Sports нашрининг маълум қилишича, “Ан-Наср” португалиялик юлдуз келганидан бери совринларни қўлга кирита олмаётгани Роналдунинг клубни тарк этишига асосий сабаб бўлаётгани таъкидланди.

Криштиану Роналду “Спортинг”да Виктор Дьёкереш ўрнини эгаллайди ва жамоага Европа майдонларидаги халқаро мусобақаларда ёрдам бериши талаб этилади. Дьёкереш эса, бир қатор гранд клублардан таклиф олган ва ёзда Португалияни тарк этади.

Роналду 1997-2003 йиллар давомида “Спортинг” тизимидан етишиб чиққан ва профессионал фаолиятини айнан шу жамоада бошлаган.