Boks. Feruza Kazakova kambek amalga oshirib, yarim finalga yo‘l oldi!

Ayni kunlarda Qozog‘istonning Ostona shahrida "World Boxing" tashkiloti kubogi bo‘lib o‘tmoqda.

Bugundan chorak final bahslari boshlandi.

Hozirgina -54 kg vaznda hamyurtimiz Feruza Kazakova va Xitoy Taypeyi vakilasi Xuang Xsiao-Ven jangi o‘z nihoyasiga etdi.

Birinchi raundda ochkolar evaziga yutqazgan Kazakova qolgan ikki raundda ustunlikni o‘z tomoniga og‘dirishni uddaladi.

To‘liq davom etgan to‘qnashuvda bokschimiz 3-2 hisobida g‘alaba qozonib, yarim final yo‘llanmasini qo‘lga kiritdi.