Benzema shaxsiy rekordini o‘rnatdi

Ispaniya La Ligasi 17-turi doirasida "Real" o‘z maydonida "Atletiko"ni 2:0 hisobida mag‘lubiyatga uchratdi.

Hisob 16-daqiqada "qirollik klubi" hujumchisi Karim Benzema tomonidan ochildi. Frantsiyalik futbolchi Vinisius Juniorning uzatmasidan so‘ng kuchli zarbasi bilan Oblak darvozasini ishg‘ol etdi.

Bu Benzemaning "qaymoqranglilar" libosidagi 2021 yildagi 36-goli sifatida tarixga kirdi. Karimning bu boradagi shaxsiy rekordi 2019 yilda o‘rnatilgan. O‘sha yili u 35 bor raqiblari darvozasini ishg‘ol etgan.

Umumiy hisobda 33 yoshli futbolchi joriy mavsum 45 ta gol urishga ulgurdi. U mavsumning eng kuchli 5 to‘purari ro‘yxatiga kiradi.