"Бенфика" президенти Каррерас трансфери ҳақида: "Реал" билан келишувга эриша олмадик"

"Бенфика" президенти Руй Кошта "Реал Мадрид" билан чап қанот ҳимоячи Алваро Карррерас бўйича музокаралар бўлиб ўтганини тасдиқлади. Бироқ у икки клуб ўртасида футболчининг трансфери борасида келишувга эришилмаганини маълум қилди.

"Карррерас биз билан Клублар ўртасидаги жаҳон чемпионатида иштирок этади. У – "Бенфика" футболчиси. Биз "Реал" билан у бўйича ҳеч қандай келишувга эришмадик. Таклифлар бўлди, лекин улар бизга маъқул келмади", — Коштанинг сўзларини келтиради Marca.

Аввалроқ ОАВда "қироллик клуби" Карррераснинг трансфери учун 45 миллион евро тўлашга тайёрлиги ҳақида хабарлар тарқалган эди. Шунингдек, 22 ёшли футболчи 14 июнь кечаси бошланадиган Клублар ўртасидаги жаҳон чемпионатида "Реал" таркибида ўйнаши мумкинлиги таъкидланган эди.