"Bellаtor 245" турнирининг марказий жанги тўлиқ давом этди

Ҳозиргина АҚШнинг Коннектикут штати, Анкасвилл шаҳрида қад ростлаган "Mohegan Sun" аренасида "Bellator 245" турнири ўз якунига етди. Унинг марказий жангида собиқ UFC жангчилари бразилиялик Лиото Мачида ҳамда АҚШ вакили Фил Дэвис ўзаро тўқнаш келди. Мазкур жанг уларнинг иккинчи баҳси бўлиб, дастлабкиси 2013 йил "UFC 163" турнирида бўлганди. Ўшанда Фил очколар ҳисобига ғалабага эришган. 

Бу сафарги тўқнашувда ҳам аввалгиси каби ғолиб очколар бўйича аниқланди ва яна Фил Дэвис омадли чиқиб, ғалабани илиб кетди. Мазкур ғалаба Дэвисга яримоғир вазн тоифасида чемпионлик жанги учун амалдаги камар соҳиби россиялик Вадим Немковга қарши октагонга кўтарилиш имкониятини беради. Яъни, у биринчи рақамли даъвогарга айланди. Яна шуни қўшимча қилиш лозимки, Дэвис сўнгги мағлубиятини "Bellаtor 209" турнирида айнан Немковдан қабул қилиб олганди.