"Bellator 244": Россиялик жангчи навбатдаги ғалабасига эришди

"Bellator 244" турнири асосий кардининг иккинчи жанги ўз вақтида UFCда ажойиб жанглари билан танилган америкалик Рой Нельсон ҳамда россиялик Валентин Молдавский ўртасида бўлиб ўтди. Оғир вазн тоифасида ҳаракат қиладиган ҳар икки жангчи ўртасидаги беллашув тўлиқ 3 раунд давом этди. Якунда, Фёдор Емельяненконинг шогирди Молдавский очколар ҳисобида ғалабага эришди. 

Россиялик жангчининг ушбу тўқнашув "Bellator" даги 5-жанги бўлиб, мазкур промоушендаги мағлубиятсиз одимини давом эттирмоқда.