"Байер" янги бош мураббийни таништирди

Дания терма жамоасининг собиқ устози Каспер Юлманн Леверкузеннинг "Байер" клуби бош мураббийи лавозимини эгаллади.

"Мен ҳар доим "Байер"ни жуда яхши бошқариладиган, яхши тузилган ва ўта амбицияли клуб деб ҳисоблаганман. Бу таассурот сўнгги кунларда ўз тасдиғини топди. Менга шундай жамоа билан ишлашни ишониб топширишгани мен учун катта шараф. Ўтмишда ажойиб муваффақиятларга эришганимдан сўнг, энди тажрибали ва янги қизиқарли ўйинчилар иштирокида "Байер" келажагини шакллантиришга ёрдам беришга жуда иштиёқмандман", - дея Юлманнинг сўзларини келтиради клуб расмий сайти.

Каспер Юлманнинг сўнгги иш жойи 2020 йил августидан 2024 йил июлигача бошқарган Дания терма жамоаси бўлган. Унинг қўл остида данияликлар 2020-йилги Европа чемпионатида (2021 йилда пандемия туфайли бўлиб ўтган) иштирок этиб, шов-шувга сабаб бўлишди ва турнирнинг ярим финалига чиқишга муваффақ бўлишди ва у ерда фақат қўшимча бўлимларда Англияга 1:2 ҳисобида мағлуб бўлишди.