"Бавария"қимматбаҳо юлдуз олиш учун 6 та футболчисини сотмоқчи

"Бавария" клуби бу ёзда футболчиларни сотиш орқали яна тахминан 130 миллион евро даромад олишни режалаштирмоқда. Бу ҳақда Bayern & Germany нашри журналистлар Тоби Алтшаффле ва Кристиан Фалкнинг X (аввалги Twitter) ижтимоий тармоғидаги хабарига таяниб ёзмоқда.

Манбага кўра, мюнхенликлар биринчи навбатда ҳимоячи Ким Мин Жени, ярим ҳимоячи Жоау Палиняни ва ҳужумчи Кингсли Команни сотмоқчи. Ҳар бир футболчи тахминан 35 миллион еврога баҳоланмоқда.

Бундан ташқари, "Бавария" зарар кўришга ҳам тайёр, фақатгина Браян Сарагоса ва Саша Боэнинг кетишини таъминлаш учун. Шунингдек, клуб дарвозабон Даниэл Перетсни ҳам сотмоқчи ва ундан 8 миллион евро даромад олишни хоҳламоқда.

Агар мюнхенликлар ушбу режаларнинг ҳеч бўлмаганда ярмига эришишса, улар қимматбаҳо нархдаги футболчини харид қилиш имкониятига эга бўлишади.