"Бавария" ва "Атлетико" бир ҳужумчи учун курашмоқчи

"Ювентус" ҳужумчиси Душан Влаховичга "Бавария" ва Мадриднинг "Атлетико" клублари қизиқиш билдирмоқда. 25 ёшли сербиялик футболчининг туринликлар билан шартномаси жорий мавсум якунлангач тугайди. Шу боис, клуб январ ойида форвардни сотишга рози бўлиши мумкин.

"Calciomercato" нашри тарқатган хабарга кўра, "Бавария" сербиялик ҳужумчи учун "Атлетико" билан рақобатлашишга тайёр. Маълум бўлишича, Влахович қишда 15 миллион евро атрофида сотувга қўйилади.

Эслатиб ўтамиз, ўтган ёзда футболчига "Милан" ҳам қизиққанди. Бироқ унинг юқори маоши "россонериликлар" учун асосий тўсиқ бўлган.

Transfermarkt портали эса собиқ "Фиорентина" юлдузини 35 миллион евро деб баҳоламоқда.