"Бавария" "Реал" ва "Барселона" бажара олмаган ишни қилди!

Бундеслиганинг 6-турида “Бавария” “Айнтрахт Франкфурт”ни йирик 3:0 ҳисоби билан мағлуб этди. Бу ғалаба клуб учун тарихий рекорд ўрнатилишига сабаб бўлди.

Гап шундаки, мюнхенликлар Европанинг “Топ-5” лигалари орасида мавсумни 10 та кетма-кет ғалаба билан бошлаган илк жамоага айланди. Винсент Компанининг шогирдлари ушбу ўйинларда жами 38 та гол урди ва ўз дарвозаларига 8 та тўп киритиб юборди.

Маълумот учун, “Бавария” 6-турдан сўнг 18 очко жамғарган ҳолда турнир жадвалида пешқадамлик қилмоқда.