“Бавария” икки нафар қимматбаҳо футболчини олади

“Бавария” раҳбарияти ёзги трансферлар якунлангунга қадар “Наполи”нинг икки нафар футболчисини ўз сафига қўшиб олишга ҳаракат қилмоқда.

Маълумотларга қараганда, мюнхенликлар нишонида тўпурар ҳужумчи Виктор Осимхен ва ярим ҳимоячиси Пётр Зелиньски турибди.

Бу ўйинчиларни олиш учун Бундеслига чемпиони яхшигина харажат қилишига тўғри келади. Осимхеннинг неаполликлар билан шартномаси яна уч йил давом этади ва унинг трансфери 65 миллион еврога баҳоланмоқда.

2024 йилнинг ёзигача “Наполи” ўйинчиси ҳисобланган Зелиньскини қўлга киритиш учун германияликлар 40 миллион евродан ортиқроқ маблағ тўлашига тўғри келади.