"Bavariya" himoyachisi "Barsa"ga o‘tishi mumkin!

Myunxenning "Bavariya" klubi markaziy himoyachisi Dayo Upamekano Germaniya chempionatini tark etshi mumkin. Bu haqda "Fichajes" nashri xabar bermoqda.

Manba bergan xabarga ko‘ra, 26 yoshli futbolchiga "Barselona" qiziqish bildirmoqda. Avvalroq, matbuotda Upamekanoni "Real" va "Liverpul" ham o‘z safiga qo‘shib olmoqchi ekanligi haqida xabarlar tarqalgan edi. Frantsiyalik futbolchining myunxenliklar bilan amaldagi shartnomasi kelasi yozda yakuniga etadi.

Ma’lumot uchun, 2025/26 yilgi mavsumda himoyachi "Bavariya"ning 8 ta o‘yinida maydonga tushdi.