"Барселона" ярим ҳимоячиси жароҳатдан тузалди

Мавсум бошида жиддий жароҳат олган "Барселона" ярим ҳимоячиси Марк Берналь якка тартибдаги машғулотларга киришди. Бу ҳақда Marca нашри хабар бермоқда.

Манбанинг маълум қилишича, 18-ёшли футболчининг қачон гуруҳ машғулотларига қайтиши номалум. Бироқ, Берналь катта эҳтимол билан кейинги мавсумнинг бошида майдонга қайтиши мумкин.

Эслатиб ўтамиз, якунига етган мавсумда ярим ҳимоячи Испания чемпионати доирасида 3 та ўйинда майдонга тушишга улгурган. "Райо Валекано"га қарши кечган баҳсда футболчи хочимон пайларидан жароҳат олиб, операция қилинган эди.