"Барселона" Винисиус 2 та ўйинга четлатилганидан норози

"Валенсия" дарвозабонини итаргани учун "Реал" ҳужумчиси Винисиус Жуниор икки ўйинга дисквалификация қилингани эълон қилинган эди.

"Барселона" мусобақалар ўтказиш қўмитаси чиқарган қарорини жуда юмшоқ деб ҳисоблашмоқда. Каталон клубида Винига нисбатан енгиллик билан ёндашилганидан норози бўлиб, унинг ҳаракатларини жиддий тажовуз сифатида таснифлаш керак деб ҳисоблашмоқда.

"Барселона"да 2022 йил ноябрь ойида Роберт Левандовски уч ўйинга дисквалификация қилинганини мисол келтиришган. Ўшанда ҳакам полшалик ҳужумчи кўрсатган бармоқ ишорасини ўзига нисбатан деб, ҳужумчига қизил карточка кўрсатган эди.