"Barselona" umidli futbolchisining qachon safga qaytishi ma’lum

"Barselona" futbolchisi Ansu Fatining qachon jarohatdan tiklanishi aniq bo‘ldi. U aprel oyi o‘rtalarida yana maydonga tushishi mumkin.

19 yoshli futbolchi 2 oy atrofida jarohatdan tuzalish bilan band bo‘ldi. Nihoyat, u yana ko‘k-anorrang libosda to‘p tepishi mumkin.

"Marca" nashrining xabar berishicha, ispaniyalik iqtidor egasi "Ayntraxt"ga qarshi Evropa ligasi uchrashuvida jamoasiga yordam bera oladi. Agar u bu bahsni ham o‘tkazib yuborsa, ELdan 3 kun keyin "Kadis"ga qarshi La Liga o‘yinida maydonda harakatlanishiga ruxsat beriladi.

Ayni vaqtda klub Fatining to‘liq sog‘ayishini istamoqda.