"Барселона" тез орада ҳужумчи трансферини эълон қилади

Даниянинг "Копенгаген" клуби швециялик ҳужумчиси Руни Баржи бугун, 11 июль куни "Барселона" билан шартнома имзолаш учун Испаниянинг Барселона шаҳрига етиб боради. Бу ҳақда журналист Фабрицио Романо Х ижтимоий тармоғида маълум қилди.

"Бир неча ҳафта олдин "Копенгаген" билан 2 млн евродан кўпроқ маблағ эвазига келишувга эришилди, шунингдек, футболчи тиббий кўрикдан ўтиб бўлди," - деб ёзди Романо.

Дания Суперлигасининг 2024/2025 йилги мавсумида 19 ёшли Руни Баржи бешта ўйинда майдонга тушди. Шунингдек, унинг ҳисобида Дания кубогида битта ўйин бор. Футболчи самарали ҳаракатлари билан ажралиб турмади. Трансфермаркт портали унинг бозор қийматини 7,5 млн еврога баҳоламоқда.