"Barselona" tekinga futbolchi oladi

Londonning “Arsenal” klubi futbolchisi Ektor Belerin 2021/2022 yilgi mavsum "Betis"da ijara asosida o‘ynadi. Yozda himoyachi "to‘pchilar" safiga qaytdi, ammo Mikel Arteta unga ishonch bildirmasligini ma’lum qildi.

Mish-mishlarga ko‘ra, Belerinning xizmatlari "Betis" va "Barselona"ga taklif qilingan. Jurnalist Jerar Romero xabariga ko‘ra, 27 yoshli futbolchi katta ehtimol bilan "Kamp Nou"ga yo‘l oladi. Qayd etilishicha, kataloniyaliklar Belerinni tekinga, ya’ni futbolchi “Arsenal” bilan shartnomasini bekor qilgach shartnoma imzolaydi.

O‘z vaqtida Ektor Belerin "Barselona" akademiyasidan chiqqan va u erdan "Arsenal" akademiyasiga ko‘chib o‘tgan.

“Transfermarkt” ma’lumotlariga ko‘ra, Ektor Belerinning narxi 20 million evroni tashkil qiladi.