"Барселона" Рики Пуч билан шартномани узайтирди

Журналист-инсайдер Фабрицио Романонинг маълум қилишича, "Барселона" ярим ҳимоячи Рикардо Пуч билан амалдаги шартномани узайтирди.

Юқоридаги манбага кўра, “кўк-анор ранглилар” 21 ёшли испаниялик футболчи билан 2021 йилга қадар тузилган шартномани бир мавсумга автоматик узайтириш ҳуқуқидан фойдаланган ва 2022 йилгача узайтирган.

Пуч ҳам "Барса"да қолишни хоҳламоқда. Айтиш лозимки, каталонияликлар уни қишда ижарага олиш бўйича келган 2 та таклифни ҳам рад этган эди.

Рики ўзининг клубдаги келажагини президент Жоан Лапорта билан ҳам келишиб олган.

Рикардо Пуч жорий мавсум “Барселона” сафида жами 20 та ўйинда майдонга тушди ва 1 та гол уришга эришди.