"Barselona" qishda futbolchi sotib olmoqchi emas. Sababi...

"Barselona" murabbiyi Xans-Diter Flik qishki transferlar oynasida jamoaga himoyachi jalb qilish haqida o‘ylagan edi. Biroq, klubdagi moliyaviy inqiroz sababli bu amalga oshmaydigan bo‘ldi. Bu haqda "Diario Sport" nashri xabar berdi.

Jamoaning so‘nggi muvaffaqiyatsiz o‘yinlarigacha murabbiy qishki transfer oynasida jismonan kuchli va ayniqsa o‘yinlar yakunida o‘yinni nazorat qila oladigan bunday turdagi o‘yinchini jalb qilish foydali bo‘lishini ta’kidlagan edi.

Flikka hozirda Saudiya Arabistonining "Al-Ittihod" jamoasida o‘ynayotgan N’golo Kantening, shuningdek, boshqa turdagi o‘yinchi bo‘lishiga qaramay, "Bavariya"dan Leon Goretskaning nomzodi ma’qul kelgan edi.

Biroq, Nike bilan kelishuv hali "Barselona"ga 1:1 qoidasiga qaytishga imkon bermaganini hisobga olsak, yanvar oyida o‘yinchilarni jalb qilish hozircha imkonsiz.

Klubning qishki transfer oynasidagi asosiy maqsadi Dani Olmo va Pau Viktorni ro‘yxatdan o‘tkazish bo‘lib qolmoqda.