"Barselona" o‘z safini Ispaniya terma jamoasi a’zosi bilan kuchaytirmoqchi

Kataloniyaning “Barselona” klubi rahbariyati jamoaning markaziy chizig‘ini Ispaniya terma jamoasi va “Vilyarreal” klubi  yarim himoyachisi Aleks Baena bilan kuchaytirmoqchi. Bu haqda AS nashri xabar bermoqda.

Manbaga ko‘ra, "ko‘k-anorranglilar" rahbariyati futbolchining 60 million evrolik tovon pulini to‘lashi mumkin. Qayd etish lozimki, Aleks "Vilyarreal" tarbiyalanuvchisi hisoblanadi. Yarim himoyachining "sariq suv osti kemasi" bilan shartnomasi 2028 yilning yoziga qadar tuzilgan.

Baena “Vilyarreal” safida Ispaniya chempionatining joriy mavsumida sakkizta uchrashuvida ishtirok etib, o‘z hisobiga bitta gol va beshta golli uzatmani yozdirib qo‘ydi.