"Barselona" o‘tgan mavsum Frantsiya chempionatining eng yaxshi assistentlaridan birini sotib olmoqchi

"Barselona" Mali terma jamoasi va "Renn" klubi himoyachisi Amari Traorega qiziqish bildirmoqda. Bu haqda “GFFN” nashri xabar bermoqda.

Manbaga ko‘ra, frantsuzlar transferga qarshi emas. 30 yoshli malilik futbolchi uchun kataloniyaliklar taxminan 3 million evro to‘lashlari kerak.

Traore 2017 yildan beri “Renn” safida to‘p tepib keladi. Uning klub bilan shartnomasi 2023 yilning yozida yakuniga etadi.

Traore o‘tgan mavsum "qizil-qoralar"ning barcha turnirlar doirasidagi 42 ta o‘yinda maydonga tushib, o‘z hisobiga 3 ta gol va 10 ta golli uzatmani yozdirib qo‘ydi. U Liga 1ning o‘tgan mavsumi eng yaxshi 5 ta assistentlaridan biri hisoblanib, 10 marta sheriklarining gol urishiga yordam bergan edi.