"Barselona" maslahatchisi: "Hakam "Real" darvozasiga 3 ta penalti belgilamadi"

"Barselona" rahbariyati maslahatchisi Enrik Masip "Real"ga qarshi finalda hakam raqiblar darvozasi tomon 3 ta penalti bermaganini haqida gapirdi.

Eslatib o‘tamiz, kataloniyaliklar "qirollik klubi" ustidan 3:2 hisobida g‘alaba qozonib, "Copa del Rey" sohibiga aylanishdi.

"Men "Barselona" foydasiga berilishi kerak bo‘lgan 3 ta penaltini ko‘rdim, ammo ular berilmadi.
Chempionatda bunday holatlar VAR orqali ko‘rib chiqilardi. Ammo bu safar hakamlarga shunchalik bosim bo‘ldiki, ular penalti bersa, hamma "Real"ning gaplari rost edi, deyishi mumkin edi", — dedi "Barselona" prezidenti Joan Laporta maslahatchisi "Radioestadio Noche"  efirida.

"El-Klasiko"dan avval "Real Madrid" klub telekanalida hakam Bengoencheya haqida tanqidiy lavhalar namoyish etilgan edi. O‘yindan keyin ham Real Madrid TV hakamlarni tanqid qilishda davom etdi.