"Барселона" Левандовскига ўринбосар топди

"Ред Булл Зальцбург" ҳужумчиси Карим Конате "Барселона"нинг эътиборини тортмоқда. "Кўк-анорранглилар" 37 ёшли Роберт Левандовскининг ўрнини босувчи номзодларни кўриб чиқмоқда, сабаби жорий мавсум унинг клубдаги сўнггиси бўлиши мумкин.

"Transfer News Live"нинг хабар беришича, Каталония грандининг диққат марказига ўтган йилнинг ноябрь ойидан бери хочсимон бойлами узилгани сабабли тикланишда давом этаётган 21 ёшли Карим Конате тушган.

Transfermarkt портали ёш ҳужумчининг қийматини 15 миллион еврога баҳоламоқда. Кот-д'Ивуарлик футболчи "Ред Булл Зальцбург" асосий жамоаси сафида 64 та ўйин ўтказиб, 33 та гол урган ва 11 та голли узатма берган.