"Барселона" етакчиси EЧЛнинг биринчи учрашувини ўтказиб юбориши мумкин

"Барселона" ярим ҳимоячиси Френки де Йонг Чемпионлар Лигаси умумий босқичининг 1-туридан ўрин олган "Ньюкасл"га қарши ўйинда майдонга туша олмаслиги мумкин.

Нидерландиялик футболчи терма жамоа сафида жароҳат олди. Хабарингиз бор, хавбек Ла Лиганинг 14 сентябр куни бўлиб ўтадиган "Валенсия"га қарши ўйинида майдонга тушмаслиги аниқ. Diario AS хабарига кўра, де Йонгнинг Чемпионлар лигаси доирасидаги "Ньюкасл"га қарши ўйинда иштирок этиши ҳам сўроқ остида қолмоқда.

Ҳаммаси 28 ёшли футболчининг тикланиш жараёнига боғлиқ бўлади.

"Кўк-анорранглилар"нинг "қарғалар" билан учрашуви 18 сентябрь куни Англияда бўлиб ўтади.

Френки де Йонг жорий мавсумда Ханс-Дитер Флик жамоасининг иккита ўйинида майдонга тушишга улгурди.