“Barselona” Dembele uchun anchagacha pul to‘laydi. Uning narxi 130 million evrodan o‘tdi
“Barselona” rahbariyati Usmon Dembele transferidagi kelishuvga ko‘ra, “Borussiya”ga yana besh million evro o‘tkazib berdi.
Aslida kataloniyaliklar frantsiyalik futbolchi uchun 2017 yilda dortmundliklar klubiga 105 million evro to‘lagan. Lekin kelishuvga ko‘ra, bu summa 148 milliongacha ko‘tariladi. Ya’ni, Dembelening har 25 ta uchrashuvi uchun “Barsa” xo‘jayinlari ma’lum miqdorda bonus to‘laydi. Bu Usmon 100 ta o‘yinda ishtirok etgunicha davom etadi.
Hozircha, Dembele La Liga grandi tarkibida 83 marotaba o‘yinga tushdi.
Fikrlar