"Барселона" Бундеслигадан ҳужумчи олиб келмоқчи

Каталониянинг "Барселона" клуби "Боруссия Дортмунд" вингери Карим Адейеми билан шартнома имзолаш имкониятини кўриб чиқиши мумкин. 23 ёшли футболчининг немис клуби билан амалдаги шартномаси 2027 йил июнига қадар мўлжалланган.

Маълумотларга кўра, агар Адейеми "Боруссия" билан шартномани узайтириш борасида келишувга эриша олмаса, "Барселона" келаси ёзда уни ўз сафига қўшиб олишга уринади.

Жорий мавсумда Адейеми Бундеслигада 6 учрашувда майдонга тушиб, 2 гол урди ва 1 голли узатма қайд этди.