"Barselona" Albani qancha muddatga yo‘qotdi?

Kataloniyaning "Barselona" klubi himoyachisi Jordi Alba kecha EChL guruh bosqich 4-turidan o‘rin olgan “Slaviya”ga (0:0) o‘yinda sonidan olgan jarohatni yangilab oldi. Bu haqda Mundo Deportivo nashri xabar tarqatmoqda.

Yuqoridagi manbaaga ko‘ra uning sog‘ayishi uchun taxminan 4-5 hafta muddat talab etilishi mumkin.

Ma’lumot uchun, 30 yoshli ispaniyalik futbolchi joriy mavsum “Barsa” safida 9 ta o‘yinda maydonga tushdi va 1 ta gol urishga erishdi.